Լապշինին օդանավակայանում թույլ չեն տվել մուտք գործել Հայաստան. նա ենթադրում է, որ պատճառը Ադրբեջանի հայտն է
Լրագրող Արտյոմ Երկանյանը ֆեյսբուքյան իր էջում գրում է. «Հենց նոր հետս կապվեց Ալեքսանդր Լապշինը ու հայտնեց, որ Հայաստան գալուց «Զվարթնոց» օդանավակայանում մեր իրավապահները թույլ չեն տվել իրեն մուտք գործել երկիր, վերցրել են իրենից անձնագիրը ու առաջարկել են սպասել:
Նա ենթադրում է, որ պատճառը միջազգային հետախուզումն է, որի հայտը տարածել է Ադրբեջանը:
Հետաքրքիր է՝ արդյո՞ք Ադրբեջանի տարածած հայտը պետք է հիմք լինի Հայաստանի իրավապահների համար»:
