Վենեսուելայի դատարանն Արգենտինայի նախագահին կալանավորելու որոշում է կայացրել
Վենեսուելայի դատարանը հաստատել է Գլխավոր դատախազության օրդերը, որով նախօրեին կալանք է պահանջվել Արգենտինայի նախագահ Խավիեր Միլեյի, նրա քրոջ՝ նախագահի աշխատակազմի ղեկավար Կարինա Միլեյի, ինչպես նաև անվտանգության նախարար Պատրիսիա Բուլրիխի համար։
Կալանավորման որոշումը կայացվել է 2022 թվականին Բուենոս Այրեսում Emtrasur ավիաընկերության ինքնաթիռի առևանգման հետաքննության շրջանակներում։
2022 թվականին Արգենտինայում առգրավվել է վենեսուելական Empresa de Transporte Aéreocargo del Sur (Emtrasur)-ի Boeing 747 ինքնաթիռը։ Տեղի դատարանն այս տարվա սկզբին որոշել է ինքնաթիռը տեղափոխել ԱՄՆ, որից հետո այն տեղափոխվել է Ֆլորիդա։
Վենեսուելական ԶԼՄ-ների հաղորդմամբ՝ ինքնաթիռը տեղափոխվել է ռազմական թռիչքի անվան, որը շրջանցել է Քաղաքացիական ավիացիայի միջազգային կազմակերպության (ICAO) կողմից տարբեր օդային տարածքներով թռիչքի թույլտվության բացակայությունը։ Առգրավված բեռնատար ինքնաթիռը ոչնչացվել է.
