Ռուսաստանի ԱԴԾ-ն Ուրալում կանխել է ՊՆ պաշտոնյայի դեմ մահափորձը
Ռուսաստանի անվտանգության դաշնային ծառայությունը կանխել է Սվերդլովսկի մարզի պաշտպանական կառույցի ղեկավար աշխատակիցներից մեկի դեմ մահափորձը: Ուկրաինական հետախուզության գործակալը ձերբակալվել է ռումբ տեղադրելու պահին։ Նա դիմադրություն է ցույց տվել, բայց չեզոքացվել է պատասխան կրակով։ Այս մասին հայտնում է ԱԴԾ-ն։
Պարզվել է, որ 40-ամյա տղամարդը Ուկրաինայի պաշտպանության նախարարության գլխավոր վարչության գործակալ է և Ռուսաստանում արգելված ուկրաինական ազգայնական ահաբեկչական կազմակերպության անդամ: Համակարգողների հանձնարարությամբ` նա ինքնաշեն պայթուցիկ սարք է պատրաստել, որը նախատեսված էր ավտոմեքենան պայթեցնելու համար:
Դեպքի վայրում առգրավվել է «Մակարով» տեսակի ատրճանակ՝ փամփուշտներով, մեծ հզորության ռադիոկառավարվող ռադիոտեղորոշիչ սարք, ինչպես նաև Ուկրաինայի պաշտպանության նախարարության և ահաբեկչական կազմակերպության գլխավոր վարչության համակարգողների հետ շփումների համար օգտագործված կապի միջոցներ՝ ահաբեկչության նախապատրաստումը հաստատող նամակագրությամբ:
Նրա բնակության վայրում և ավտոտնակում իրականացված խուզարկությունների ժամանակ հայտնաբերվել են պայթուցիկ նյութերի և պայթուցիկ սարքերի պատրաստման բաղադրիչներ: Միջոցառումներ են իրականացվում ահաբեկչին աջակցություն ցուցաբերած անձանց ինքնությունը պարզելու ուղղությամբ:
