Իվանիշվիլիի սենսացիոն հայտարարությունը. Սուրենյանց
Քաղաքագետ Սուրեն Սուրենյանցը տելեգրամի իր ալիքում գրել է․
«Իվանիշվիլիի սենսացիոն հայտարարությունը
Վրաստանն իր մեջ ուժ կգտնի ներողություն խնդրելու օսերից 2008 թվականին Սահակաշվիլիի սանձազերծած պատերազմի համար:
Այս մասին հայտարարել է իշխող «Վրացական երազանք» կուսակցության հիմնադիր Բիձինա Իվանիշվիլին։
Այս հայտարարությունը շատերը սենսացիոն կհամարեն, մյուսները դա կդիտարկեն բացառապես ներքաղաքական համատեքստում:
Իհարկե, շատ բնական է, որ Իվանիշվիլին ցանկանում է Վրաստանի հասարակության աչքերում դիրքավորվել՝ որպես խաղաղության կողմնակից, բնականաբար՝ պատերազմի հրձիգ ներկայացնելով Սաակաշվիլիին:
Նույն կերպ ԱՄՆ ընտրարշավում վարվում է Թրամփը, ով հայտարարում է, թե Հարիսի ընտրությունը հավասարազոր կլինի Ռուսաստանի հետ պատերազմի մեջ նեքաշվելուն:
Մյուս կողմից, Իվանիշվիլիի հայտարարության ենթատեքստը շատ ավելի խորքային է ու կասկածի տակ է դնում ռուս-վրացական կամ ռուս- ուկրաինական պատերազմներում ամբողջ պատասխանատվությունը միայն Մոսկվայի ուսերին բարդելու արևմտյան նարատիվը:
Ավելին, Իվանիշվիլիի խոսույթի հետևում չի կարելի ու մակերեսային է ռուսական «ականջներ» փնտրելը:
Այս վեճը պոպուլյար է նաև արևմտյան ակադեմիական շրջանակներում, որտեղ փաստարկված կարծիք կա, որ ռուս-վրացական, ռուս- ուկրաինական պատերազմները ՆԱՏՕ-ի էքսպանսիայի հետևանք են:
Իվանիշվիլիի ասած «Սաակաշվիլին» հետսովետական էլիտաների հավաքական կերպարն է, այն էլիտաների, որոնց միակ «առաքելությունը» իրենց երկրները «հակաՌուսաստան» դարձնելն է՝ դրանից բխող ողբերգական հետևանքներով»:
