Սեպտեմբերի 10-30-ը գիշերային ժամերին միակողմանի փակ կլինի Նար-Դոս-Վարդանանց խաչմերուկից մինչև Նար-Դոս-Տիգրան Մեծ խաչմերուկ ճանապարհահատվածը
Ճանապարհաշինարարական աշխատանքներով պայմանավորված՝ սույն թվականի սեպտեմբերի 10-ից մինչև սեպտեմբերի 30-ը՝ ժամը 23:00-ից մինչև 07:00-ն, փուլ առ փուլ միակողմանի փակ է լինելու Նար-Դոսի փ.-Վարդանանց փ. խաչմերուկից մինչև Նար-Դոսի փ.-Տիգրան Մեծի պ. խաչմերուկ եղած ճանապարհահատվածը, այնուհետև՝ հետադարձ ուղղությամբ: Այդ մասին հայտնել են Երևանի քաղաքապետարանից:
Երթևեկությունը իրականացվելու է հանդիպակաց ուղղության երթևեկելի մեկ գոտու հաշվին:
«Հորդորում ենք վարորդներին աշխատանքի արդյունավետության ապահովման նպատակով տրանսպորտային միջոցները չկայանել վերոնշյալ ճանապարհահատվածի երթևեկելի մասում:
Պատճառվող ժամանակավոր անհարմարությունների համար հայցում ենք քաղաքացիների ներողամտությունը»,- գրված է հաղորդագրության մեջ:
