«Արցախի Հանրապետությունը լուծարված չէ». Մետաքսե Հակոբյան
Արցախի ԱԺ պատգամավոր Մետաքսե Հակոբյանը ֆեյսբուքյան իր էջում գրում է. «Արցախի Հանրապետությունը լուծարված չէ։ Արցախի Հանրապետությունը ՀՀ իշխանությունների վարած քաղաքականության արդյունքում օկուպացվել է թշնամի Ադրբեջանի կողմից…»։
Հիշեցնենք, որ այսօր ԱԺ նախագահ Ալեն Սիմոնյանը հայտարարել է.
«Ես կարծում եմ, որ մենք պետք է շատ լրջորեն քննարկենք այս ֆորմատը չեղարկելու, որովհետև Արցախի պաշտոնյա այլևս գոյություն չունի, նման կարգավիճակ Հայաստանում որևիցե մեկն այլևս չունի, ես չգիտեմ, թե ում հետ դա պետք է քննարկեմ հավանական նիստի պարագայում»։
Ըստ Ալեն Սիմոնյանի՝ «Լեռնային Ղարաբաղի նախագահ» եզրույթն իր համար գոյություն չունի։
