Էրդողանի և Ասադի հանդիպման վերաբերյալ որոշում դեռ չի կայացվել
Թուրքիայի և Սիրիայի նախագահներ Ռեջեփ Թայիփ Էրդողանի և Բաշար ալ-Ասադի միջև 11 տարվա ընթացքում առաջին հանդիպման նախապատրաստական աշխատանքները շարունակվում են։
Դրա վերաբերյալ որոշում դեռ չի կայացվել, մինչև գագաթաժողովը բանակցություններ են սպասվում հատուկ ծառայությունների, պաշտպանության և ԱԳՆ ղեկավարների մակարդակով, լրագրողներին հայտնել է Թուրքիայում իշխող «Արդարություն եւ զարգացում» կուսակցության պաշտոնական ներկայացուցիչ Օմեր Չելիքը, փոխանցում է ՏԱՍՍ-ը։
«Նախ երկու երկրների հետախուզական ծառայությունները կպատրաստեն դոսյե բանակցությունների համար, ապա հանդիպում կկայանա պաշտպանության և արտաքին գործերի նախարարության ղեկավարների մակարդակով, որից հետո կարող է տեղի ունենալ նախագահների հանդիպումը։
Էրդողան-Ասադ հանդիպման ժամանակացույցի վերաբերյալ որոշում դեռ չի կայացվել»,- ասել է Չելիքը:
