Մոսկվայում հոսպիտալացվել է Ֆիլիպ Կիրկորովի հայրը
Մոսկվայում հոսպիտալացվել է Ռուսաստանի ժողովրդական արտիստ 92-ամյա Բեդրոս Կիրկորովը, երգիչ Ֆիլիպ Կիրկորովի հայրը: Տղամարդը ծանր վիճակում տեղափոխվել էր վերակենդանացման բաժանմունք. բժիշկները թոքերի այտուց են ախտորոշել։
Այժմ Բեդրոս Կիրկորովը հիվանդանոցում միացված է սրտի մոնիտորին, և բժիշկները վերահսկում են նրա վիճակը։ Անցյալ տարի բժիշկները նրա մոտ ախտորոշել էին սրտի իշեմիկ հիվանդություն: Փոփ թագավորի հորը սրտի ռիթմավար էր տեղադրվել։
Այսօր Բեդրոս Կիրկորովը լրատվամիջոցներին հայտնել է, որ իրեն արդեն լավ է զգում:
