Հայ հրաձիգները ևս երկու մեդալ են նվաճել ԵԱ-ում
Հայաստանի հավաքականը ևս երկու մեդալ է նվաճել Չեխիայի Պլզեն քաղաքում ընթացող հրաձգության վազող թիրախ մրցաձևի Եվրոպայի առաջնությունունում։
Երիտասարդների թիմային պայքարում Գոռ Խաչատրյան – Հայկ Մինասյան – Համլետ Կարենյան եռյակը 1618 միավորով դարձել է Եվրոպայի փոխչեմպիոն։
Նույն մրցաձևի աղջիկների պայքարում Մարի Ղազարյան – Անահիտ Սարգսյան – Աիդա Ազատյան եռյակը 1510 միավորով դարձել է բրոնզե մեդալակիր։
Ավելի վաղ Գոհար Հարությունյանը մեծահասակների պայքարում Եվրոպայի չեմպիոն էր հռչակվել 10 մետր վազող թիրախ մրցաձևի կանանց պայքարում։
Գոհար Հարությունյան – Լիլիթ Մկրտչյան – Արուսյակ Գրիգորյան թիմային եռյակն էլ դարձել էր արծաթե մեդալակիր։
Վազող թիրախ ձևի Եվրոպայի առաջնությունը կավարտվի սեպտեմբերի 4-ին։
