Պուտինը և Ալիևը գոհունակություն են հայտնել վերջին այցի հաջող արդյունքներից եւ քննարկել են իրավիճակն Անդրկովկասում
Ռուսաստանի նախագահ Վլադիմիր Պուտինը հեռախոսազրույցի ընթացքում ադբեջանցի պաշտոնակցի՝ Իլհամ Ալիեւի հետ քննարկել է իրավիճակն Անդրկովկասում։ Այս մասին օգոստոսի 28-ին հայտնել է Կրեմլի մամուլի ծառայությունը։
«Ղեկավարները գոհունակություն են հայտնել ՌԴ նախագահ Վլադիմիր Պուտինի՝ վերջերս Բաքու կատարած պետական այցի արդյունքներից։ Նշվել է, որ բանակցությունների ընթացքում ձեռք բերված պայմանավորվածությունների հետեւողական իրականացումը կնպաստի ռուս-ադրբեջանական դաշնակցային հարաբերությունների եւ գործընկերության հետագա խորացմանը։ Շարունակվել է Անդրկովկասում ընթացիկ իրավիճակի տարբեր ուղղությունների քննարկումը, ներառյալ ադրբեջանա-հայկական խաղաղության պայմանագրի, սահմանազատման եւ սահմանագծման, երկու պետությունների միջեւ տրանսպորտային հաղորդակցությունների ապաշրջափակման հարցերը։ Այս առնչությամբ ռուսական կողմը հաստատել է պատրաստակամությունը այսուհետ եւս հնարավոր աջակցություն ցուցաբերել Բաքվին եւ Երեւանին համապատասխան փոխընդունելի որոշումներ մշակելու հարցում»,- նշվել է հաղորդագրությունում։
