Ալիևն անհրաժեշտ է համարում պաշտպանական և անվտանգության ոլորտում Կենտրոնական Ասիայի երկրների հետ համագործակցության ամրապնդումը
Ադրբեջանի նախագահ Իլհամ Ալիևն անհրաժեշտ է համարում պաշտպանական և անվտանգության ոլորտում Կենտրոնական Ասիայի երկրների հետ համագործակցության ամրապնդումը։
«Աշխարհում աճող սպառնալիքներն ու մարտահրավերները պահանջում են պաշտպանության և անվտանգության ոլորտում մեր երկրների միջև համագործակցության ավելի մեծ ամրապնդում»,- ասել է Ադրբեջանի ղեկավարը՝ ելույթ ունենալով Աստանայում Կենտրոնական Ասիայի պետությունների ղեկավարների 6-րդ խորհրդակցության ժամանակ։
Այս համատեքստում Ալիևը հատկապես ընդգծել է հուլիսին Ղազախստանում անցկացված «Բիրլեստիկ-2024» միջազգային օպերատիվ-մարտավարական հրամանատարաշտաբային զորավարժությունները, որոնց մասնակցել է նաև Ադրբեջանը։
Նրա խոսքով, պաշտպանության ոլորտում հարաբերությունների զարգացման ցուցանիշ է նաև Կենտրոնական Ասիայի երկրների կուրսանտների պատրաստումը Ադրբեջանի ռազմաուսումնական հաստատություններում։
