ԵԱՏՄ արտաքին պարտքը 2024 թվականի առաջին եռամսյակում կրճատվել է 55 մլրդ դոլարով

Եվրասիական տնտեսական միության արտաքին պարտքը 2024 թվականի առաջին եռամսյակում նախորդ տարվա նույն ժամանակահատվածի համեմատ կրճատվել է 55 մլրդ դոլարով կամ 9,4%-ով։ Այս մասին հայտնում է Եվրասիական տնտեսական հանձնաժողովի մամուլի ծառայությունը։

Եթե 2023 թվականի ապրիլի 1-ի դրությամբ արտաքին պարտքը կազմում էր մոտ 583 մլրդ դոլար, ապա 2024 թվականի ապրիլի 1-ի դրությամբ այն նվազել է մինչև 528 մլրդ դոլար։

Նշենք, որ Հայաստանի պետական պարտքը 2024 թվականի առաջին կիսամյակի արդյունքներով կազմել է 12 մլրդ 157 մլն դոլար։ Պարտքի կառուցվածքն ունի հետևյալ տեսքը՝ հայկական դրամով պարտատոմսերը կազմել են 49,2%, արտասահմանյան վարկերը՝ 37,2%, եվրապարտատոմսերը՝ 13,4%։