Թել Ավիվի վրա հարձակված ԱԹՍ-ն իրանական արտադրության է․ Իսրայելի բանակ
։Իսրայելական բանակը հայտարարել է, որ Թել Ավիվի վրա հարձակված անօդաչու թռչող սարքը իրանական արտադրության է։ Գերատեսչության կարծիքով ՝ այն գործարկվել է Եմենի տարածքից հուսիթների կողմից։
Իսրայելական բանակի խոսնակ Դանիել Հագարին մամուլի ասուլիսում հայտարարել է, որ հարձակման ժամանակ օգտագործված անօդաչու սարքը, որի պատասխանատվությունը ստանձնել են Եմենում Իրանի կողմից աջակցվող հուսիթները, և որի հետևանքով մեկ մարդ է զոհվել Թել Ավիվում, եղել է իրանական արտադրության «Սամմադ-3»: Հագարին ասել է, որ թռչող սարքը Թել Ավիվ է հասել ծովից:
