Բաքվում երեք ոստիկան և մեկ քաղաքացիական անձ է սպանվել
Ադրբեջանի ներքին գործերի նախարարությունը և գլխավոր դատախազությունը հայտնում են, որ մի քանի անգամ դատապարտված, հետախուզման մեջ գտնվող Ալլահվերդիև Ռովշան Օգթայ օղլուն (ծնված 1986թ.), ոստիկանության աշխատակիցների կողմից ձերբակալվելու ժամանակ զինված դիմադրություն է ցուցաբերել։
Ադրբեջանական ԶԼՄ-ներ մանրամասնում են, որ Ալլահվերդիևը, թաքնվելով ընտանիքի անդամների հետևում, որսորդական հրացանից կրակ է բացել՝ սպանելով երեք ոստիկանի և մեկ քաղաքացիական անձի։
Ոստիկանության ձեռնարկած միջոցառումների արդյունքում հանցագործը վնասազերծվել է։
Փաստի առթիվ հարուցվել է քրեական գործ, կատարվում է հետաքննություն։
