Փարիզը չի առաջնորդվում Հայաստանի շահերով և հրահրում է զինված առճակատում Հարավային Կովկասում. Զախարովա
Ֆրանսիան զինված էսկալացիայի հերթական փուլն է հրահրում Հարավային Կովկասում, դա հաստատում է Հայաստանին Caesar հաուբիցների մատակարարման պայմանագիրը. այս մասին ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:
«Ֆրանսիայի ղեկավարությունը չի առաջնորդվում ո՛չ Հայաստանի, ո՛չ էլ ժողովրդի շահերով: Փարիզը ձգտում է երկրների ներսում կամ երկրների միջև առկա տարաձայնությունները, հակասությունները օգտագործել որպես գործիք՝ սեփական կոնյուկտուրային նպատակներին հասնելու համար», – ասել է Զախարովան:
Նախօրեին Ֆրանսիայի պաշտպանության նախարար Սեբաստիեն Լըկորնյուն հայտնել էր, որ Փարիզը շարունակում է ամրապնդել պաշտպանական հարաբերությունները Հայաստանի հետ:
«Նոր կարևոր հանգրվան՝ Caesar համակարգերի ձեռքբերման պայմանագրի կնքմամբ», – X-ում գրել էր պաշտոնյան:
