Սիրիայում հայտնել են իսրայելական հարվածներից սպայի զոհվելու մասին
![](https://168.am/wp-content/uploads/2024/06/imgonline-com-ua-Resize-k1wcMIus0iNuytF.jpg)
Սիրիայում հայտնել են, որ Իսրայելի զինված ուժերն անօդաչու թռչող սարքերի (ԱԹՍ) օգտագործմամբ հարձակում են գործել երկու ռազմական օբյեկտի վրա, որի հետևանքով 1 սպա է զոհվել։ Այս մասին հայտնում է SANA գործակալությունը՝ վկայակոչելով արաբական հանրապետության ուժային կառույցների աղբյուրին։
Գրոհը տեղի է ունեցել տեղական ժամանակով մոտավորապես ժամը 07։00-ին Սիրիայի հարավ-արևմտյան Էլ Կունեյտրայի և Դերաայի նահանգներում։
Ըստ գործակալության՝ իսրայելական հարվածի հետևանքով պատճառվել է նաև նյութական վնաս։