Բայդենը «թունավորում է» երկիրը իր միգրացիոն քաղաքականությամբ. Թրամփ
ԱՄՆ նախագահ Ջո Բայդենը «թունավորում» է երկիրը իր միգրացիոն քաղաքականությամբ։ Newsmax-ին տված հարցազրույցում նման կարծիք է հայտնել Սպիտակ տան նախկին սեփականատեր Դոնալդ Թրամփը։
«Այն, ինչ նա անում է [Բայդենը] թունավորում է մեր երկիրը», – ասել է Թրամփը՝ նշելով, որ Բայդենի վարչակազմի գործողությունների արդյունքում ԱՄՆ-ն ունի «աշխարհի պատմության մեջ ցանկացած երկրի ամենավատ սահմանը»։ Նախկին նախագահն ընդգծել է, որ երկիր ժամանող անօրինական միգրանտները «բանտերից, հոգեբուժարաններից» մարդիկ են, և նրանց թվում կան նաև «շատ ահաբեկիչներ»։
Մեկնաբանելով ներգաղթի նոր միջոցները, ներառյալ Մեքսիկայից անօրինական ներգաղթյալներին ապաստան տրամադրելու ժամանակավոր արգելքը, Թրամփն ասել էց, որ Բայդենը «ոչինչ չի արել»:
Ավելի վաղ Սպիտակ տան մամուլի ծառայությունը հայտարարություն էր տարածել, ըստ որի՝ Բայդենը ժամանակավորապես արգելել է ապաստան տրամադրել ԱՄՆ-ի հարավային սահմանն անօրինական կերպով հատող ներգաղթյալներին։ Սպիտակ տունն ընդգծել է, որ նոր սահմանափակումները չեն հասցնի նույն արդյունքներին, որոնք ձեռք կբերվեն Կոնգրեսի մակարդակով ԱՄՆ-ի հարավային սահմանի հսկողության միջոցառումների խստացմամբ։ Բացի այդ, դրանք չեն ներառում միջոցների հատկացում՝ երկրի հարավային սահմանի հետագա ամրապնդման համար։
