«Մամուլի ազատության ինդեքս 2024» զեկույցի նոր տվյալները. Հայաստանը 43-րդն է
«Լրագրողներ առանց սահմանների» (RSF) կազմակերպությունը հրապարակել է «Մամուլի ազատության ինդեքս 2024» զեկույցը:
ՀՀ-ն ինդեքսում բարելավել է իր դիրքերն ու հայտնվել 43-րդ հորիզոնականում։ Նախորդ տարի Հայաստանը զբաղեցնում էր 49-րդ հորիզոնականը։
Ինդեքսը գնահատում է լրագրողների աշխատանքային պայմանները աշխարհի շուրջ 180 երկրներում:
Համաձայն զեկույցի՝ Հայաստանի հիմնական լրատվական աղբյուրները սոցիալական ցանցերն են, ուր ամեն օր մուտք է գործում բնակչության 2/3-ը: Նշվել է, որ թեև Հայաստանում առկա է բազմակարծության միջավայր, սակայն լրատվամիջոցները շարունակում են բևեռացված մնալ:
«Մամուլի ազատության ինդեքսում» հարևան Վրաստանը զբաղեցնում է 103-րդ, Ադրբեջանը՝ 164-րդ, Թուրքիան՝ 158–րդ, իսկ Իրանը՝ 176-րդ հորիզոնականը:
