Ադրբեջանի զինծառայողներին մոտեցնում են մեր գյուղերին և անում Բաքվի իրավազորությունը ճանաչող հայտարարություններ․ Թաթոյան
Տարածք հանձնել-չհանձնելու կատարյալ սխալ ու կատարյալ դատապարտելի (քաղաքական) հանրային օրակարգի ներքո ադրբեջանական զինված ծառայողներին մոտեցնում են մեր գյուղերին, ու իշխանությունն անում է Ադրբեջանի իրավազորությունը ճանաչող հայտարարություններ: Այս մասին Facebook-ի իր էջում գրել է ՀՀ մարդու իրավունքների նախկին պաշտպան Արման Թաթոյանը:
«Այն պայմաններում, երբ Ադրբեջանի իշխանությունը Հայաստանը հայտարարում է «Արևմտյան Ադրբեջան» ու հովանավորում հայասպանությունը, ՀՀ կառավարությունը գյուղերի բնակիչներին կանգնեցնում է լուրջ խնդիրների առաջ՝ սկսած սեփականության իրավունքից մինչև անվտանգություն»,- նշել է նա:
Նա նշում է, որ դեռ 2021թ. ԱԺ-ում Սյունիքի ու Գեղարքունիքի օրինակներով է ասել՝ ինչ հետևանքներ են առաջ գալու նման սխալ քայլերի արդյունքում»:
