Դե Բրույնեն թունավորվել է հյուրանոցում Մադրիդի «Ռեալի» դեմ խաղից առաջ
Կևին Դե Բրույնեն կարծում է, որ Չեմպիոնների լիգայի «Ռեալի» հետ խաղից առաջ հյուրանոցում սննդային թունավորում է ստացել։
Չեմպիոնների լիգայի քառորդ եզրափակիչի առաջին խաղում «Մանչեսթեր Սիթին» ոչ-ոքի խաղաց Մադրիդի «Ռեալի» հետ (3:3):
Դե Բրույնեն խաղից առաջ վատ է զգացել ու չի մասնակցել հանդիպմանը։ Խաղացողը փսխել է հանդերձարանում խաղի մեկնարկից առաջ:
Ինքը՝ խաղացողը, կարծում է, որ հանդիպման մեկնարկից մի քանի ժամ առաջ հյուրանոցում սնունդից է թունավորվել։ Ակումբը շատ մտահոգված էր հնարավոր զանգվածային թունավորմամբ, սակայն դա տեղի չունեցավ։
Հաղորդվում է նաև, որ Կևինն արդեն վերադարձել է մարզումներին և, ամենայն հավանականությամբ, կմասնակցի «Լուտոնի» դեմ տնային խաղին:
