Գնդակոծությունների պատճառով ՌԴ Բելգորոդի մարզից շուրջ 2800 երեխա է դուրս բերվել
Օպերատիվ իրադրության պատճառով Բելգորոդի մարզից երեխաներին տեղափոխում են Ռուսաստանի այլ տարածաշրջաններ: Այդ մասին հայտնել է նահանգապետ Վյաչեսլավ Գլադկովը։
«Շարունակում ենք մեր երեխաներին ուղարկել այլ տարածաշրջաններ…. Կալուգա, Պենզա, Տամբով, Աստրախան, Սամարա՝ երեխաներն արդեն այնտեղ են։ Երեկ արդեն հասել են Մոսկվայի մարզ և Կրասնոդարի երկրամաս։ Արդեն ուղարկվել է 2800 երեխա», – գրել է Գլադկովը՝ հավելելով, որ մինչև շաբաթվա վերջ շուրջ 9000 երեխաներ կտեղավորվեն ՌԴ տարբեր մարզերի առողջարանային ճամբարներում:
Մարտի 11-ից Բելգորոդի մարզի տարածքը ենթարկվում է ուկրաինական կողմի ինտենսիվ գրոհների։ Կան զոհեր և վիրավորներ: Գնդակոծվող տարածքների բնակիչներին տարհանում են ժամանակավոր կացարաններ։
