Հայ հիմնադիրներ ունեցող Cognaize-ն արժանացել է AI գերազանցության մրցանակի
Հայ հիմնադիրներ ունեցող Cognaize ընկերությունը, որն ապահովում է փաստաթղթերի խելացի մշակում (IDP) ֆինանսական և ապահովագրական ընկերությունների համար, Business Intelligence Group-ի կողմից արժանացել է Արհեստական բանականության գերազանցության 2024 թվականի մրցանակի: Այս մասին ընկերությունը հայտարարություն է տարածել:
Cognize-ը փաստաթղթերի կառավարման ավտոմատացման առաջին և միակ լուծումն է, որն օգտագործում է հիբրիդային բանականություն՝ ֆինանսական ծառայությունների ոլորտում: Այն համատեղում է բարդ ֆինանսական մոդելները, որոնք վերապատրաստվել են ավելի քան 1,9 միլիոն ֆինանսական փաստաթղթերի վրա, ներառյալ վարկային դիմումները, SEC-ի հայտերը, ESG-ի հետ կապված փաստաթղթերը, բանկային քաղվածքները և այլն:
«Cognaize-ի AI պլատֆորմի և ֆինանսական ծառայությունների կազմակերպությունների փաստաթղթերի ավտոմատացման հիբրիդային մոտեցումը Business Intelligence Group-ի կողմից այս մրցանակն ավելի է ընդգծում մեր աճող շուկայի առաջատարությունը և նորարարության տեմպերը»,-նշել է Cognaize-ի գործադիր տնօրեն Ալ Եսայանը:
Cognaize-ը արհեստական բանականության վրա հիմնված ֆինթեք ընկերություն է, որը 2018 թվականին հիմնադրել է Վահե Անտոնյանը:
