Թրամփը խոստանում է ընտրվելու դեպքում կանխել երրորդ համաշխարհային պատերազմը
ԱՄՆ նախկին նախագահ Դոնալդ Թրամփը հայտարարել է, որ ընտրվելու դեպքում կկանխի երրորդ համաշխարհային պատերազմը, որին հիմա աշխարհը շատ մոտ է։
«Ես կկանխեմ երրորդ համաշխարհային պատերազմը։ Մենք շատ մոտ ենք դրան, և դա կլինի այնպիսի պատերազմ, որը կտարբերվի բոլոր մյուսներից»,- ասել է նա:
Նա նաև նշել է, որ կկարողանա վերականգնել խաղաղությունը՝ ներառյալ Ուկրաինայի և Ռուսաստանի միջև հակամարտությունում, «նույնիսկ Սպիտակ տան Օվալաձև աշխատասենյակ ժամանելուց առաջ»:
ԱՄՆ նախագահական ընտրությունները տեղի կունենան այս տարվա նոյեմբերին։
