Ադրբեջանի պաշտպանության նախարարության մի խումբ զինծառայողներ այցելել են Թուրքիա
Ադրբեջանի պաշտպանության նախարարության մի խումբ զինծառայողներ այցելել են Թուրքիա։ Ադրբեջանական պատվիրակությունն այցելել է Թուրքիայի ազգային պաշտպանության նախարարություն, տարբեր տիպի զորքերի հրամանատարություններ, ինչպես նաև մի շարք ռազմաուսումնական հաստատություններ:
Հանդիպումների ընթացքում քննարկվել են ռազմական կրթության և կադրերի պատրաստման ոլորտում Ադրբեջանի և Թուրքիայի միջև համագործակցության զարգացման հեռանկարները: Հանդիպում է կայացել նաև Թուրքիայում սովորող կուրսանտների հետ, պատվիրակությունը ծանոթացել է կուրսանտների պատրաստման գործընթացին:
Այցի շրջանակներում ադրբեջանական պատվիրակությունն այցելել է նաև թուրքական «HAVELSAN» ընկերություն։ Հյուրերին ցուցադրվել են տարբեր նշանակության զենքեր ու զինտեխնիկա։
