Կրեմլը մեկնաբանել է Ալեքսեյ Նավալնիի մահվան փաստը
Կրեմլը մեկնաբանել է Ալեքսեյ Նավալնիի մահվան փաստը։ ՌԴ նախագահի մամուլի խոսնակ Դմիտրի Պեսկովն ասել է, որ դաշնային քրեակատարողական ծառայությունը զբաղվում է բոլոր ստուգումներով, հատուկ հրահանգների կարիք չկա։
Նա նշել է, որ ՌԴ նախագահ Վլադիմիր Պուտինին տեղեկացրել են Նավալնիի մահվան մասին։
Նա հավելել է, որ տեղեկություն չունի Նավալնիի մահվան պատճառների մասին:
«Բժիշկները պետք է պարզեն»,- ասել է Պեսկովը։
RT-ի փոխանցմամբ՝ պատճառը թրոմբն է եղել:
Նավալնիի փաստաբանը «Նովայա գազետա»-ի հետ զրույցում նշել է, որ Ալեքսեյ Նավալնիի ընտանիքի որոշմամբ ընդհանրապես ոչինչ չի մեկնաբանում։
«Հիմա կպարզենք»,- ասել է նա:
Փաստաբանն Ալեքսեյ Նավալնիի մոտ էր եղել չորեքշաբթի օրը, այն ժամանակ ամեն ինչ լավ էր եղել։
Փետրվարի 14-ին քաղաքական գործչի մամուլի քարտուղար Կիրա Յարմիշը հայտնել էր, որ Նավալնին ազատազրկման ընթացքում 27-րդ անգամ է ուղարկվել պատժախուց:
Նշենք, որ Ալեքսեյ Նավալնին 47 տարեկան էր։
