Անթալիայում առատ տեղումների պատճառով դադարեցվել է ուսումնական գործընթացը
Թուրքիայի առաջատար տուրիստական շրջաններից մեկում՝ Անթալիայում հորդառատ անձրևներ են։ Ուժգին տեղումների պատճառով դպրոցներում դադարեցվել է ուսումնական գործընթացը։ Այս մասին տեղեկացնում է ermenihaber.am-ը։
Առատ տեղումների պատճառով բազմաթիվ տներ և մեքենաներ հեղեղվել են ջրով, խափանվել է տրանսպորտի աշխատանքը։
Հաղորդվում է նաև, որ հորդառատ անձրևի պատճառով «Antalyaspor» խմբին տեղափոխող ինքնաթիռը Անթալիայի օդանավակայանի փոխարեն վայրէջք է կատարել Գազիփաշայի օդանավակայանում։
