ԵՄ-ն 400 մլն եվրո օգնություն կհատկացնի Թուրքիային
Եվրամիությունը պայմանագիր է ստորագրել 2023-ի փետրվարի 6-ի երկրաշարժից հետո Թուրքիային խոստացված 1 մլրդ եվրոյից 400 մլն եվրո օգնություն հատկացնելու մասին։ Այս մասին տեղեկացնում է ermenihaber.am-ը։
Եվրոպական հանձնաժողովի համապատասխանության և բարեփոխումների հարցերով հանձնակատար Էլիզա Ֆերեյրան և Թուրքիայի փոխարտգործնախարար Մեհմեդ Քեմալ Բոզայան Բրյուսելում համաձայնագիր են ստորագրել Թուրքիային 400 մլն եվրո փոխանցելու մասին։
Թուրքիայի համար այս ֆինանսական փաթեթն ամենամեծն է, որը տրամադրվում է թեկնածու երկրին Եվրոպական համերաշխության հիմնադրամի շրջանակներում:
Թուրքիան առաջին անգամ կօգտվի այս հիմնադրամից։
2023 թվականի փետրվարի 6-ին Մարաշի երկրաշարժից մեկ ամիս անց տեղի ունեցած միջազգային դոնորների համաժողովում ԵՄ-ն 1 մլրդ եվրո ֆինանսական աջակցություն է խոստացել Թուրքիային։
Համաժողովին ընդհանուր առմամբ 7 մլրդ եվրո է հավաքել Թուրքիային ու Սիրիային օժանդակելու նպատակով։
