Վերջին 3 ամսում Թուրքիայից Իսրայել արտահանման ծավալը գերազանցել է 1 մլրդ դոլարը
Թուրքիայի արտահանողների խորհրդի հրապարակած տվյալների համաձայն՝ դեկտեմբերին Թուրքիայի արտահանումներն Իսրայել նախորդ ամսվա համեմատ աճել են 30․4%-ով՝ կազմելով 393․3 մլն դոլար։ Այս մասին տեղեկացնում է ermenihaber.am-ը։
Իսրայելա-պաղեստինյան պատերազմի մեկնարկից ի վեր 2023-ի վերջին եռամսյակում Թուրքիայից Իսրայել արտահանման ծավալը գերազանցել է 1 մլրդ դոլարը, թեև նախորդ տարվա նույն ժամանակահատվածի համեմատ նվազել է 36․4%-ով։
2023-ի ընթացքում Թուրքիայի արտահանումն Իսրայել տարեկան կրճատվել է 23․8%-ով՝ հասնելով 5․1 մլրդ դոլարի։
2023-ին Թուրքիայից Իսրայել արտահանման մեջ առաջին տեղում պողպատի հանքանյութն է (883 մլն), երկրորդ տեղում քիմիական արտադրանքն է, որին հաջորդում է ավտոմոբիլային արդյունաբերությունը։
Հիշեցնենք, որ Թուրքիայում ի աջակցություն Պաղեստինի կայացած ցույցի ընթացքում իշխող Արդարություն և զարգացում կուսակցության ԱԶԿ նախագահ Ռեջեփ Թայիփ Էրդողանի որդին Բիլալ Էրդողանը իսրայելական ապրանքների դեմ բոյկոտելու կոչ էր արել։ Նա նշել էր, որ կապիտալի սեփականատերերը թող զգույշ գործեն։
