Կոսմետոլոգը նշել է մաշկի տեսողական ծերացման ոչ ակնհայտ պատճառ
Կոսմետոլոգ Քեյթ Քերը զգուշացրել է, որ կողքի վրա քնելը կարող է բացասական ազդեցություն ունենալ դեմքի մաշկի և դեկոլտեի վրա։ Այս դիրքում հանգստանալը հրահրում է կնճիռների առաջացում և դեմքի ասիմետրիա։ Այս մասին, ըստ shantnews-ի՝ հայտնում է Daily Mail-ը։
Ըստ մասնագեի՝ դա տեղի է ունենում այն պատճառով, որ դեմքի մի կողմի մաշկը մի քանի ժամ «փշրված» վիճակում է գտնվում։ Արթնանալուց հետո դեմքի և պարանոցի վրա կարող են առաջանալ ուղղահայաց կնճիռներ՝ ձգվելով քթից մինչև շուրթերի անկյունները։ Նույնը տեղի է ունենում մարմնի այլ մասերի հետ. ձգողականության ազդեցության տակ դեկոլտեի հատվածում կարող են կնճիռներ առաջանալ։ Ժամանակի ընթացքում նման փոփոխությունները դառնում են անշրջելի, քանի որ մաշկը կորցնում է արդյունավետ վերականգնվելու ունակությունը:
Պլաստիկ վիրաբույժ բժիշկ Մարիամ Զամանին կարծում է, որ կողքի վրա քնելը կարող է խորացնել դեմքի աննշան ասիմետրիան, որն առկա է գրեթե բոլոր մարդկանց մոտ: Աչքերի, շուրթերի և ընդհանուր առմամբ դեմքի կերպարանափոխությունը հայտնվում է այն կողմում, որի վրա մարդու համար առավել հարմարավետ է քնել։
Նշվում է, որ երիտասարդ մաշկը պահպանելու համար հարկավոր է քնել մեջքի վրա։ Այս դիրքը նվազեցնում է կնճիռների և այտուցների առաջացման վտանգը:
