Ֆինլանդիան հայտարարել է, որ շարունակում է մնալ Ռուսաստանից միջուկային վառելիքի տարանցման երկիր
Ֆինլանդիան իրականացնում է ռուսական միջուկային վառելիքի տարանցում, վերջին փոխադրումը տեղի է ունեցել դեկտեմբերին, երբ ֆինն-ռուսական սահմանի բոլոր ավտոտրանսպորտային հսկիչ անցակետերը գրեթե ամբողջ ժամանակ փակ էին երթևեկության համար։ Այդ մասին ՏԱՍՍ-ին հայտնել է Ֆինլանդիայի Ռադիացիոն և միջուկային անվտանգության վարչության մամուլի ծառայության ներկայացուցիչ Ռիստո Իսակսոնը։
«Տարանցիկ փոխադրումներն սկսվել են 2022 թվականի աշնանը: Միջուկային վառելիքն ինքնին պատժամիջոցների ենթակա չէ, և կարելի է սպասել, որ տարանցումը կիրականացվի այնքան ժամանակ, քանի դեռ պատժամիջոցներ չեն սահմանվել միջուկային վառելիքի նկատմամբ: Անցյալ տարի մի քանի տարանցումներ են եղել, որոնցից ամենավերջինը եղել է 2023 թվականի դեկտեմբերին», – ասել է Իսակսոնը:
