Հնդկաստանն էսկադրային ականակիր է ուղարկել՝ օգնելու ծովահենների զավթած բեռնատար նավին
Հնդկաստանը Chennai էսկադրային ականակիր է ուղարկել` օգնելու հնդկական անձնակազմով Lila Norfolk չորաբեռնատար նավին, որն Արաբական ծովում զավթել են ծովահենները: Այդ մասին հաղորդում է «ՌԻԱ Նովոստի»-ն՝ վկայակոչելով Հնդկաստանի ռազմածովային ուժերը:
«Նավը (Lila Norfolk) հաղորդագրություն է ուղարկել UKMTO (United Kingdom Maritime Trade Operations) հարթակին՝ նշելով, որ 2024 թ. հունվարի 4-ի երեկոյան մոտավորապես հինգից վեց անհայտ զինված անձինք նավ են իջել», – ասվում է Հնդկաստանի ռազմածովային ուժերի հայտարարության մեջ։
Նշվում է, որ կապ է հաստատվել Լիբերիայի դրոշի ներքո նավարկող չորաբեռնատար նավի հետ, ինչպես նաև Հնդկաստանի ռազմածովային ուժերի ինքնաթիռներ են գործի դրվել՝ վերահսկելու իրադրությունը։
«Ինքնաթիռը նավի վերևով անցել է ուրբաթ օրը վաղ առավոտյան և կապ հաստատել նավի հետ՝ հավաստիանալով անձնակազմի անվտանգության մեջ: Ռազմածովային ավիացիան շարունակում է վերահսկել շարժը, իսկ Chennai կործանիչը մոտենում է նավին՝ օգնություն ցուցաբերելու համար», – նշել են հնդիկ զինվորականները:
Ինչպես նշում է Ani գործակալությունը, վկայակոչելով զինվորական աղբյուրների, գրավված չորաբեռնատար նավի վրա կա անձնակազմի 15 անդամ. նրանք բոլորը Հնդկաստանի քաղաքացիներ են։
