Ռուսական «Գազպրոմը» միջնաժամկետ պայմանագրեր կկնքի 3 երկրի հետ
Ռուսական «Գազպրոմ» ընկերությունը 2024 թվականի կեսերին 15-ամյա միջնաժամկետ պայմանագրեր կկնքի Ղրղզստանի, Ղազախստանի և Ուզբեկստանի հետ,
Ինչպես հայտնում է «ՌԻԱ Նովոստի»-ն՝ այս մասին հայտարարել է ընկերության ղեկավար Ալեքսեյ Միլերը։
«15 տարվա միջնաժամկետ պայմանագրերը, որոնք մենք պայմանավորվել ենք Ղրղզստանի, Ղազախստանի և Ուզբեկստանի մեր գործընկերների հետ, կկնքվեն հաջորդ տարվա կեսերին Սանկտ Պետերբուրգի միջազգային տնտեսական ֆորումում: 2025 թվականի նոյեմբերի 1-ին այս պայմանագրերի շրջանակներում վստահելի, կայուն մատակարարումներ կսկսվեն Կենտրոնական Ասիայի հանրապետություններին»,- ասել է Միլերը:
