Վրաստանում առնվազն 187 հազար վարկառուի ամսական վարկի մարումները կկրճատվեն
186 հազար 416 վարկառուի ամսական կտրվածքով կկրճատվեն վարկի մարումները, հայտնում է «Հասարակություն և բանկեր» հասարակական կազմակերպությունը (ՀԿ): Այս մասին գրում է aliq.ge-ն։
ՀԿ-ն վերանայել է փոփոխական տոկոսադրույքների հետ կապված վարկերը։ Նրանց տվյալներով, 2023 թվականի նոյեմբերի 1-ի դրությամբ տրվել է փոփոխական տոկոսադրույքով 186 հազար 416 վարկ, իսկ ճնշող մեծամասնությունը կապված է վերաֆինանսավորման տոկոսադրույքի հետ։ Դրամավարկային քաղաքականության կոմիտեն իջեցրել է դրամավարկային քաղաքականության տոկոսադրույքը մինչև 9,5 տոկոս: Ըստ այդմ, վարկառուի ամսական վճարը այս չափով կկրճատվի։
186 հազար 416 պայմանագրերից մեծամասնությունը տնային տնտեսություններին տրված վարկերն են (96 տոկոս)։ Ընդհանուր առմամբ, փոփոխական տոկոսադրույքով տրվել է 11,9 մլրդ լարի վարկ, տնային տնտեսությունների համար՝ 6,8 մլրդ լարի (58 տոկոսը), իսկ իրավաբանական անձանց համար՝ 5,1 մլրդ լարի (42 տոկոս):
Այսօրվա դրությամբ տրվել է բիզնես վարկերի ամենամեծ ծավալը՝ 6,1 մլրդ լարի։ Հիփոթեքային վարկերի ընդհանուր ծավալը կազմում է 3,7 մլրդ լարի, իսկ սպառողական վարկերը՝ 2,1 մլրդ լարի։
Ազգային արժույթով տրված վարկերի ծավալն աճել է 15 տոկոսով։ Սա զգալիորեն ցածր է 2016-2022 թվականների միջին աճի 25 տոկոսից: Փոփոխական տոկոսադրույքով փոխառությունները կազմում են ազգային արժույթով տրամադրված ընդհանուր վարկերի 43 տոկոսը։
