Երևանում կրակել են 18 երթուղին սպասարկող ավտոբուսի ուղղությամբ
Երևանում` Արզումանյան փողոցում, օդաճնշիչ զենքից կրակել են 18 համարի ավտոբուսի ուղղությամբ։ Ոստիկանության ԶԼՄ-ների հետ կապի, լրատվության և վերլուծության բաժնի պետ Զարզանդ Գաբրիելյանը «Արմենպրես»-ին հայտնեց, որ Մաշտոցի բաժինն ահազանգը ստացել է ժամը 12:00-ի սահմաններում:
«Վնասվել է ավտոբուսի հետևի ապակին, տուժածներ չկան»,-ասաց նա:
Կազմվում են համապատասխան փաստաթղթեր նախաքննական մարմին ուղարկելու համար։
