Աշխարհում ոչ մի երկիր չի կարող համեմատվել Հայաստանի հետ տնտեսության աճի տեմպերով․ ՌԴ մամուլի քարտուղար
ՌԴ նախագահի մամուլի խոսնակ Դմիտրի Պեսկովը Հայաստանի տնտեսության բարձր աճը կապել Է ԱՊՀ երկրներին ինտեգրվելու հետ։ Պեսկովը այս մասին հայտարարել է լրագրողների հետ ճեպազրույցում։
«ԱՊՀ-ն պահպանում է իր արդիականությունը։ Նայեք Հայաստանի տնտեսության աճի տեմպերին։ Այո, աշխարհում ոչ մի երկիր չի կարող համեմատվել Հայաստանի հետ տնտեսության աճի տեմպերով։ Այնտեղ, իմ կարծիքով, 15 տոկոս է»,- ասել է Պեսկովը։
Նա նշել է, որ լավագույն ժամանակներում միայն Չինաստանն է նման բան ցուցադրել։
«Դուք կարծում եք, որ դա հենց այնպես է։ Ոչ, դրանք ինտեգրման արդյունք են», – վստահեցրել է Պեսկովը։
