Երիտասարդների մոտ կեղծ 20.000-դրամանոցներ են հայտնաբերվել
Ոստիկանության Արտաշատի բաժնի քրեական հետախույզները օպերատիվ տեղեկություններ էին ստացվել, որ Լուսառատ գյուղի բնակիչ երեք երիտասարդ իրենց մոտ պահում են կեղծ 20000-դրամանոցներ և պատրաստվում են իրացնել Արտաշատ քաղաքում և կից բնակավայրերում:
Իրացնելով օպերատիվ տվյալները՝ քրեական հետախույզները հոկտեմբերի 7-ին երիտասարդներին Շահումյան գյուղում հայտնաբերել, ձերբակալել և տեղափոխել են Արտաշատի բաժին, որտեղ 21-ամյա երիտասարդի մոտ հայտնաբերվել են կեղծ 20000-դրամանոց թղթադրամներ, իսկ 20-ամյա երիտասարդի մոտ՝ 0.51 գրամ դեղնականաչավուն չորացված մանրացված զանգված։ Բացատրական աշխատանքի արդյունքում 21-ամյա երիտասարդը խոստովանել է, որ երեք-չորս օր առաջ Բաղրամյան գյուղի մթերային խանութում կեղծ թղթադրամով առևտուր է արել:
Երիտասարդները, կազմված փաստաթղթերը և հայտնաբերվածը ներկայացվել են ՀՀ Արարատի մարզային քննչական վարչություն:
Հանգամանքները պարզվում են:
