Ամերիկյան սենատորների պատվիրակությունը Չինաստանում է

Չինաստանի արտաքին գործերի նախարար Վան Ին հոկտեմբերի 9-ին Պեկինում հանդիպում է անցկացրել ԱՄՆ Սենատի դեմոկրատական ​​մեծամասնության առաջնորդ Չակ Շումերի հետ, որը գլխավորում է ամերիկացի սենատորների երկկուսակցական պատվիրակությունը։

Հանդիպման մասին մանրամասներ չեն հաղորդվում։ Նշվում է, որ ըստ Չինաստանի կենտրոնական հեռուստատեսության՝ Պեկինից հետո Շումերը նախատեսում է մեկնել Սիան քաղաք։ Ավելի վաղ ամերիկյան պատվիրակությունն այցելել էր Շանհայ, որտեղ նրանց ընդունել էր քաղաքի կուսակցության կոմիտեի քարտուղար Չեն Ցզինինը։

Սպասվում է, որ Չինաստանից հետո սենատորները կմեկնեն Կորեայի Հանրապետություն և Ճապոնիա։

Չինաստանի ԱԳՆ-ն չի հայտարարել ամերիկացի սենատորների այցի մասին և չի հաղորդել դրա մանրամասները։ Գերատեսչությունը հույս է հայտնել, որ այս այցը կնպաստի ամերիկյան կողմից Չինաստանի ավելի օբյեկտիվ ըմբռնմանը: