ԵՄ-ն դատապարտում է Իսրայելի դեմ ՀԱՄԱՍ-ի գործողությունները․ Բորել
Եվրամիությունը կանգնած է Իսրայելի կողքին պաղեստինյան ՀԱՄԱՍ-ի հարձակումների հետ կապված իրավիճակում և դատապարտում է պաղեստինցիների գործողությունները։ Այս մասին հայտարարել է Եվրահանձնաժողովի փոխնախագահ, Արտաքին հարաբերությունների գծով բարձրագույն հանձնակատար Ժոզեպ Բորելը։
«ԵՄ-ն համերաշխություն է հայտնում Իսրայելին այս ծանր պահին։ Մենք անվերապահորեն դատապարտում ենք ՀԱՄԱՍ-ի հարձակումները։ Այս սարսափելի բռնությունը պետք է անհապաղ դադարեցվի։ Ահաբեկչությունն ու դաժանությունը ոչինչ չեն որոշում»,- գրել է նա X-ի իր միկրոբլոգում։
Պաղեստինյան ՀԱՄԱՍ շարժումը հոկտեմբերի 7-ին կատարեց Իսրայելի վրա վերջին տարիների ամենամեծ հարձակումը։ Նրանք Գազայի հատվածից հրթիռներ են արձակվել Իսրայելի ուղղությամբ։ ՀԱՄԱՍ-ի զինյալները Իսրայելի տարածք են ներխուժել պարապլաններով և պիկապներով։ Շարժումը հայտնել է 35 գերեվարված իսրայելցու մասին:
Պաղեստինյան ՀԱՄԱՍ շարժման կողմից մեկնարկած ռազմական գործողությունների մեկնարկից ի վեր առնվազն 6 մարդ զոհվել է, 200-ը ՝ վիրավորվել։
