Հարավաֆրիկյան Հանրապետությունում 47 մարդ է զոհվել բարձրահարկ շենքում բռնկված հրդեհից
Հարավաֆրիկյան Հանրապետության Յոհանեսբուրգ քաղաքի բարձրահարկ շենքում բռնկված հրդեհի հետևանքով առնվազն 47 մարդ է զոհվել, ևս 43-ը վիրավորվել է։ Այս մասին հաղորդում է հարավաֆրիկյան News24 պարբերականի հրապարակումը։
Շենքում հրդեհը սկսվել է տեղի ժամանակով գիշերը ժամը 01:30-ի սահմաններում: Դեպքի վայր ժամանելուն պես հրշեջները տարհանել են բոլոր բնակիչներին։
Հրդեհի պատճառները պարզված չեն։
