16-ամյա ռուս գեղասահորդուհին հայտնաբերվել է. որտեղ է եղել նա
Օգոստոսի 29-ին ամբողջ օրը Մոսկվայում փնտրում էին ռուս գեղասահորդուհի Ալինա Գորբաչովային, երեկ հայտնաբերել են Մոսկվայի առևտրի կենտրոններից մեկի կինոթատրոնում։ Նա հարցաքննության ժամանակ հայտարարել է, թե կինոթատրոն գնացել է քնելու համար։
Նա հայտարարել է, թե իր անհետացումը որևէ կապ չունի գեղասահքի և մարզիչ Սոֆյա Ֆեդչենկոյի հետ ունեցած կոնֆլիկտի հետ։
«Ցավում եմ, որ բոլորին ստիպեցի նյարդայնանալ և անհանգստանալ ինձ համար: Ես տանն եմ իմ սիրելի մարզչի ու մայրիկի հետ։
Մի՛ անհանգստացեք, իմ արարքը կապ չունի գեղասահքի և Սոֆյա Անատոլևնայի հետ, ես կմարզվեմ իմ թիմում և կուրախացնեմ ձեզ նոր ելույթներով: Մեզ մոտ ամեն ինչ կարգին է, մի հավատացեք լրատվամիջոցներին և դժբախտ բլոգերներին»,- սոցիալական իր էջում գրել է Գորբաչովան:
