Շառլ Միշելն ու Կանադայի ԱԳ նախարարը քննարկել են Արցախի հարցը
Եվրոպական խորհրդի նախագահ Շառլ Միշելը և Կանադայի արտաքին գործերի նախարար Մելանի Ժոլին Բլեդի ռազմավարական համաժողովի շրջանակներում քննարկել են Արցախի հարցը։
Այս մասին X-ի (նախկին Թվիթեր) իր միկրոբլոգում գրել է կանադացի քաղաքական գործիչը։
«Բլեդի ռազմավարական համաժողովի ժամանակ Շառլ Միշելի հետ քննարկել ենք Բալկաններում ընդլայնման նրա տեսլականը, Լեռնային Ղարաբաղի ճգնաժամն ու Հայիթիի ճգնաժամի կարգավորմանն ուղղված հետագա քայլերը։ Այս քննարկումները մեր գործընկերային աշխատանքի առանցքն են», – գրել է Ժոլին` գրառմանը կից հրապարակելով հանդիպումից լուսանկար։
