Բելգիայի արտաքին գործերի նախարարը այցելելու է Հայաստան
Հայաստանի արտաքին գործերի նախարարությունը տեղեկացնում է, որ Բելգիայի արտաքին գործերի նախարար Հաջա Լահբիբին այցելելու է Հայաստան։
«Օգոստոսի 22-ին պաշտոնական այցով Հայաստանում է գտնվելու Բելգիայի Թագավորության արտաքին գործերի, եվրոպական հարցերի և արտաքին առևտրի, դաշնային մշակութային հաստատությունների նախարար Հաջա Լահբիբը:
ՀՀ ԱԳՆ-ում կկայանա Հայաստանի և Բելգիայի ԱԳ նախարարների հանդիպումը, որին կհաջորդի համատեղ մամուլի ասուլիս:
Այցի շրջանակներում Բելգիայի արտաքին գերատեսչության ղեկավարը հանդիպումներ կունենա նաև ՀՀ վարչապետի և ՀՀ ԱԺ նախագահի հետ»,- «Արմենպրես»-ի փոխանցմամբ՝ ասված է Հայաստանի արտաքին գործերի նախարարության տարածած հաղորդագրության մեջ:
