«Այն, ինչ պարզվելու է մանկապղծության արդյունքում՝ ավելի զարհուրելի է լինելու, սա առաջին ակտն էր». Վլադիմիր Մարտիրոսյան
Վլադիմիր Մարտիրոսյանը ֆեյսբուքյան իր էջում գրում է. «Երկիր չի, այլ մի քիփլիկ փորձարարական լաբորատորիա, որտեղ բոլորս ինքնակամ մեր հույզերով ու էմոցիաներով, արժեհամակարգով ու սկզբունքներով դարձել ենք շատ կառավարելի և պլանավորված փորձարարությունների օբյեկտ՝ շատ ցածր դիմադրողականությամբ:
Լաբորատորիայի անտեսանելի ապակուց այն կողմ իրենց փորձարարությունների արդյունքներն ու կիրառելիության հնարավորությունները գնահատողներն ու արձանագրողները խորը թքաց ունեն, թե մեր էմոցիաների, թե արժեքների և թե բնույթի վրա: Կարևորը փորձարարության արդյունքն է, շահը և դրա կիրառելիության հնարավորությունների չափումը:
Հ.Գ. Ըստ ժանրի և փորձարարության կանոնների՝ այն, ինչ պարզվելու է մանկապղծության արդյունքում, ավելի զարհուրելի է լինելու, սա առաջին ակտն էր: Երկրորդ ակտի համար ամեն բան պատրաստ է»:
