31-ամյա Հովսեփ Հ.-ն ձերբակալվել է Արցախի պողոտայում
Ոստիկանության Էրեբունու բաժնի համայնքային ոստիկաններն ու վետերանները Արցախի պողոտայում հայտնաբերել, ձերբակալել և բաժին են տարել 31-ամյա Հովսեփ Հ.-ին, որը հետախուզվում էր ՀՀ նախկին քրեական օրենսգրքի 38-266-րդ (Թմրամիջոցների, հոգեմետ նյութերի և դրանց պրեկուրսորների ապօրինի շրջանառությունն իրացնելու նպատակով կամ դրանց ապօրինի իրացնելուն հանցակցելը) և 267-րդ (Թմրամիջոցներ կամ հոգեմետ նյութեր, ինչպես նաև այդպիսիք պատրաստելու համար օգտագործվող և հատուկ հսկողության տակ գտնվող նյութեր, սարքավորումներ կամ գործիքներ արտադրելու, ձեռք բերելու, պահելու, հաշվառելու, բաց թողնելու, փոխադրելու կամ առաքելու կանոնները խախտելը) հոդվածների մեղադրանքով:
Խափանման միջոցը՝ կալանք:
