Մեքսիկայի ափերի մոտ 3 տոննա կոկաին է հայտնաբերվել
Մեքսիկայի առափնյա պահպանության ծառայությունը Գերերո և Կինտրանա Ռու նահանգների ափերի մոտ հայտնաբերել է գրեթե երեք տոննա կոկաին և 150 լիտր վառելիք։
Ինչպես տեղեկացնում է «ՌԻԱ Նովոստի»-ն, վերջին մի քանի օրվա ընթացքում վերոհիշյալ ծառայության աշխատակիցները երեք տարբեր գործողությունների ընթացքում առգրավել են ավելի քան 2800 կիլոգրամ ենթադրյալ կոկաին, մոտ 150 լիտր վառելիք և նավակ։
Ծառայության տվյալներով՝ գործողությունների ընթացքում աշխատակիցները ծովում և ափին փոքր նավերի վրա հայտնաբերել են ամուր պարկերով փաթեթավորված թմրանյութեր և վառելիք: Սպաները նաև ձերբակալել են կոկաինի երեք ենթադրյալ հանցագործների:
