Թուրքիայի որոշ լողափերում ջրահեղձության դեպքերի աճի պատճառով լողալն արգելվել է
Թուրքիայի հյուսիսում՝ Սև ծովի ափին գտնվող Սինոփ նահանգի որոշ լողափերում, մուտքի արգելանք է կիրառվել: Այս մասին տեղեկացնում է ermenihaber.am-ը։
Մասնավորապես Սինոփի նահանգային իշխանության կողմից լողալն արգելվել է՝ հաշվի առնելով ծովում ընդերքի ճեղքման և ստորգետնյա հոսանքների, ինտենսիվ քամիների, օդերևութաբանական տվյալների և ջրահեղձության աճող դեպքերի հանգամանքները։
Նշենք, որ հուլիսի 31-ին Սինոփի «Հեյամոլա Սահիլ» կոչվող լողափում խեղդվել է 4 հոգուց բաղկացած մի ընտանիք, իսկ ավելի ուշ նույն նահանգի «Ալիման» կոչվող վայրում ևս 2 երիտասարդ՝ 21 և 28 տարեկան:
