ԱԺ-ում մոտ 4 միլիոն դրամի 115 շիշ կոնյակ են գնել մեկ անձից գնման պայմանագրով
Ազգային ժողովի աշխատակազմը հերթական մեկ անձից գնման պայմանագիրն է կնքել, այս անգամ՝ 3 միլիոն 872 հազար դրամ արժողությամբ։
Մոտ 4 միլիոն դրամով այս անգամ ԱԺ աշխատակազմը ձեռք է բերել կոնյակներ՝ 30 հատ «Արարատ, Անկախության 30-ամյակ», 5 հատ «էրեբունի 30», 50 հատ՝ «Ախթամար» և 30 հատ «Ընտիր կոլեկցիոն» հավաքածուներից։
Պայմանագիրը կնքվել է «Վինո-Վինո» ընկերության հետ, որի հետ, ի դեպ, ԱԺ-ի կնքած մեկ անձից գնման պայմանագրերը բազմաթիվ են. դրանցից մեկով այս տարվա ապրիլին այս ընկերության հետ կնքվել է 10 մլն 752 հազար դրամի պայմանագիր, գնվել է 480 շիշ կոնյակ։
