«Ավելի շատ թուրքերին եք սիրո՞ ւմ, թե՞ արաբներին». Հոլանդացի քաղաքական գործիչը՝ Էրդողանին
Նիդերլանդների «Ազատություն» կուսակցության նախագահ Գերտ Վիլդերսը, ով հայտնի է իր հակաթուրքական հայացքներով, Twitter-ում անդրադարձել է թուրք կանանց խնդիրներին։ Այս մասին տեղեկացնում է ermenihaber.am-ը։
Նա մասնավորապես նշել է․ «Շատ թուրք կանայք ինձ ասում են, որ Թուրքիայում գտնվող արաբներն իրենց վիրավորում են՝ անվանելով անբարոյականներ, և վատ վերաբերմունք ցույց տալիս։ Նախագահ Էրդողան, կարո՞ղ եք ինձ ասել թուրք կանանց վիավորող արաբներին էլի ձեր եղբա՞յրն եք համարում։ Ավելի շատ արաբների՞ն, թե՞ թուրքերին եք սիրում»։
Իսկ ավելի ուշ հանդես է եկել մեկ այլ հայտարարությամբ՝ մեջբերելով Թուրքիայի Հանրապետության հիմնադիր Մուստաֆա Քեմալ Աթաթուրքի խոսքերը․
«Ով հերոս թուրք կին, դու արժանի ես ոչ թե գետնին սողալու, այլ ուսերովդ դեպի երկինք բարձրանալու»։
