Դեռևս մեկ շաբաթ մեզնից կպահանջվի՝ Նուբարաշենի աղբավայրում ծուխն ամբողջությամբ մարելու և դադարեցնելու համար. Կամո Արեյան
Արդեն 5-րդ օրն է՝ բռնկում է եղել Նուբարաշենի աղբավայրում: Ծավալը մասնակի էր, հետո ծավալվեց պարագծով: Դեռևս մեկ շաբաթ մեզնից կպահանջվի՝ ամբողջությամբ մարելու և ծուխը դադարեցնելու համար»,- Երևանի քաղաքապետարանի գործակարգավարական խորհրդակցության ժամանակ հայտնեց քաղաքապետի խորհրդական Կամո Արեյանը՝ առաջարկելով արագ ձեռնամուխ լինել նոր աղբավայրի ծրագրի ընթացքին:
Փոխքաղաքապետ Տիգրան Ավինյանն առաջարկեց օրվա երկրորդ կեսին շրջայց անել, ծանոթանալ և, եթե հավելյալ ռեսուրսի կարիք կլինի, հասկանան, թե որտեղից են ներգրավելու:
Հիշեցնենք` ավելի վաղ ՀՀ ներքին գործերի նախարարության փրկարար ծառայությունը հայտնել էր, որ փրկարարներին հաջողվել է տեղայնացնել մայիսի 18-ին բռնկված կրակը, սակայն հրդեհը մարել չի հաջողվում։
Մոտ 5 հա տարածքում տարբեր օջախներով այրվում է մոտ 1000 խմ աղբ։
