Նիկոլ Փաշինյանի ասուլիսում կանոններ են փոխվել
Այսօր Նիկոլ Փաշինյանը լրատվամիջոցներին հրավիրել է հերթական մամուլի ասուլիսին։
Ասուլիսը նախատեսված է ժամը 12։00-ին, սակայն լրագրողներին կանչել են ասուլիսից մեկ ժամ շուտ։
Այս անգամ Նիկոլ Փաշինյանն ասուլիս է տալիս ոչ թե Կառավարության շենքի նախասրահում, այլ նիստերի դահլիճում, որտեղ յուրաքանչյուր հինգշաբթի նիստեր են անցկացվում։
Հավանաբար սա պայմանավորված է այն հանգամանքով, որ այս պահին Կառավարության շենքի մոտ բողոքի ակցիա են իրականացնում 44-օրյա պատերազմում զոհված զինծառայողների ծնողները, իսկ նախասրահը շենքի առաջին հարկում է։
Այս անգամ նաև որոշ լրատվամիջոցների ներկայացուցիչների ամենառաջինը ներս թողեցին Կառավարության շենք, այլ խոսքով` իշխանական լրատվամիջոցների ներկայացուցիչներն արտոնյալ էին։
Գործընկերային սոլիդարությունից ելնելով՝ չենք հրապարակում այդ ԶԼՄ-ների անունները, սակայն փաստացի անգամ ասուլիսից առաջ մերոնք-ձերոնք տարանջատումն ակնհայտ է:
